返工帶飯有好食送

Tweet

 我唔駛返工帶飯，但可能有人想帶飯返工呢！

哈哈！我帶飯鐘意比較濕D ，容易入口，酸酸地有味道提神一下，一陣再對返沉悶既工作。。。。。

所以我選擇呢味好入屋既土耳其蕃茄蔬菜燉肉。

點解我會識得整？因為有土耳其媽咪教我囉！

點解我會識土耳其媽咪？因為土耳其人係香港落地生根，有一個會，想分享土耳其文化，所以我參加左佢地個烹飪班。

材料非常容易買，多菜少肉，好健康架！

以下係4人份量。

牛肉25蚊。多少好隨意，食肉獸就買多D啦

薯仔一個。

大蕃茄4個。質素好緊要，可以直接影响最後完成品既樣。

洋蔥一個。買到紫色當然更好！

咩色甜椒2個。今次我揀黃同綠。

茄子一條。

調味

鹽2茶匙

糖半茶匙

茄汁3.5湯匙

黑椒碎2茶匙 

做法，，，

1.洋蔥切粒，鳴謝MAGGIECHEUNG教我一個好快既方法變粒粒。

去皮先，切頭尾。分半。

見到D 蔥紋係打橫你就打直切，唔好打散住，轉90度再切就得啦！真係好快！

2. 牛肉切粒。。。本來，屋企人好心幫我買牛肉，重叫埋牛肉佬切片。。。

不過唔緊要，一陣將D 菜切細D 先。

係心形蕃茄呀 ：）

先紅鑊落油，炒香洋蔥，再爆香牛肉。對呀，牛肉不用醃的。

牛肉香味出來後，落所有的蔬菜，所有的調味料後稍拌好，蓋上待滾。 

我們選的煮食工具都要注意，今次我用鑊的效果不及高身鍋，因為鑊面積大容易蒸發水份。

呢個菜不用落水的，因為蔬菜會出水！

滾起後，可以隔一陣拌一拌，免痴底。 

完成了！

可以見到有汁但唔會水汪汪，因為我地落左薯仔，有澱粉質，可以杰身成汁！ 

聽日返工唔會乾爭爭LU ！

＊老師教係落茄膏，我唔想要人造野，所以落茄汁同揀靚蕃茄代替

＊除左薯仔，你鐘意用咩蔬菜都可以架